سويت الشطرنج

السلام عليكم ورحمه الله وبركاته ..

كيف الحال .. اليوم يبت لكم طريقة لعبة الشطرنج عشان تلعبوونها وعقب تاكلووونها ...:)

المكونات:-

باوند كيك الفانيليا والشوكلت ..والكمية حسب الصينيه الي بتسون فيها ..المره سويت في صياني البايركس الزجاج المستطيلات 

علبة الى علبتين جبن فيلادفيا

6 حبات كيري

علبه كريمة صغيرة  مخفوقه

كريم كراميل مع الصوص الاسود 

علبه قشطة

سكر حسب الرغبة

فانيليا 

الطريقة:-

نقطع الباوند كيك الى شرائح

نحضر البايركس الي بنستخدمه ..ونبطنه بالالومنيوم ..

نصف باوند الكيك الفانيليا والشوكلت 

نكون خالطين جميع مكونات السابقة  مع بعض ..

ونصب الخليط فوق الباوند كيك ..ونرش عليه بالصوص الاسود تابع للكراميل 

ونسكر طبقة بالباقي من الباوند كيك .. ونسكرها بالبلاستك ..وعلى الفريزر ع طول اذا كنتي مستعجلة عليها ..

واذا لا ..في الثلاجة ..لمدة 3 الى 5 ساعات عشان تتماسك 

بعد ما تخلص المدة انطلع البايركس ونقلبه فوق صحن التقديم ..

والتزيين الي تبونه ..مرات احد صوص الهيرشي وانثر عليه شوكلت صغار 

ومرات ازينه بالكريمة على كل مربع

ومرات اخليه ع حالها ..

ومرات احط عليها فراولة او اي فروت ثاني 

طبقات الميني سويت ..

هالمرة بتكون وصفتي حلى الطبقات ..ولاني ماحب اسويه في بايركس كبير ويله هات نقطع ...

قلت اسهل الموضوع ..بس يباله صبر ..

بما اني ما اتقيد بالوصفة 100% ..ولازم شويه زيادات ..ف هذي تعتبر 50% من اختراااعي :)

المكونات:- 

بسكوت مطحون علبه الى علبتين 

زبدة سايحة 75 جرام

فستق حلبي مطحون

حليب مكثف

شوكلت يكون ذايب

قوالب الميني كاب كيك 

صينيه ميني كاب كيك

الطريقة:-

* نحضر صينيه الميني ونحضر قوالب الميني  

* نخلط البسكوت المطحون مع زبدة ونضع اول طبقة في قوالب الميني 

* نخلط الفستق المطحون مع الحليب المكثف ..ونضع ثاني طبقة في قوالب الميني 

* نضع الصينيه في الفرن من فوق بس لمده دقيقتين الى ثلاث ويمكن اقل ..يعني نكون قريبين من الفرن عشان ما يحترق علينا ولا يصير لونه بني ..لين ما يتماسك بسسسسسس

* بعد ما انطلعه من الفرن ..نكون مجهزين صوص الشوكلت الي هو 

* انا احب اذوب جالكسي مع مارس مع حلاوة الاهرامات وشويه زبدة 

* اضع الطبقة الثالثه من الصوص الشوكلت ونزينه شوي من الفستق ..

وبسسسسسسسس 

جربوووها لانها صدق لذيييييييذه ..رغم انها شويه دسمة ..بس قالب واحد ما يكفي ..


وعواافي 

كيكة لذيييييذه وهشة ..

مرحبااااااااا بكل الي يدخل سواء يشارك او ياخذ وصفات او يمر مرور الكرام ...:)

اليوم وصفتي كيكة ...فيها المكونات الرئيسية ..بس من طبعي اني لازم ازيد شي ع كيفي ..

المكونات:-

2 كوب طحيين

ربع كوب زيت

كوب عصير برتقال او كوب حليب

فانيليا

كوب سكر

بيضتين

ذرة ملح

ملعقتين بيكن باودر 

نص ملعقة بيكربونات الصودا

الطريقة:-

في الخلاط نحط البيض + السكر ...ونخلط 

نضيف عليه الفانيليا ...ونخلط

نضيف الزيت ...ونخلط

ننخل الطحين + البيكن باودر+ الملح+ البيكربونات الصودا

نضيف الطحين الى الخلاط...ونخلط 

اخر شي نضيف العصير او الحليب ..ونخلط

خلال هالوقت نكون مشغلين الفرن ع 350  او 180 ع حسب كل نوع فرن  ولمدة اقصاها ساعه الا ربع 

ومحضرين قالب الكيك نكون داهنينه بالزيت او زبدة شوي 

نضع الخليط في القالب وع الفرن ع طوووووووووول ..

في هذا الوقت نسوي التوبنق 

هي عبارة عن :-

1- كيسين دريب ويب او كوب كريمة سايلة

2- فنجان ماء بااااااااااااااااارد في حال حطينا كريمة بودر

3- شويه فانيليا

4- 4 ملاعق نيدو

5- علبه قشطه ( قيمر)

ولاني اريدها كريمة شوكلت زدت عليها ملعقين كريمة شوكلت ..وانا افضل اني اسيح نوتيلا واحطه مع الخلطة

وفي الخلاط لمدة ربع سااعة

انطلع الكيكة ......لازم نخليها تبرد قبل ما انطلعها من الفررررررررن وهذي خطوة ضروريه واااااااااايدددد

لما تبرد ..انطلعها من القالب ..ونبدا نزينها بالكريمة ..ونحط القارنش الي نريده ...

وبالعااافية عليكم

باستري بحشوة دجاج

السلام عليكم ورحمه الله وبركاته ..

قبل لما اشتري الباستري ..كنت افكر شو ممكن اسويه غير حشوة الجبن او دياي ونلفه ع شكل هلال وع الفرن ع طووول 

احب اني اغير في استخدام اي مادة تكون عندي ..

ومرة كنت اتابع فتافيت ..امممم ماذكر اسم البرنامج ..المهم برنامج انجليزي ..شفته يسوي الباستري بهذي الطريقة ..بس حاط حشوة غير الي انا استخدمتها المرة ...

....المهــــــــــــــــــــــــــــــــــــــــــم ...

طبختي المرة ..جربتها لما كانو عدنا ضيووف ..مع انه المفروض اكون اجربها قبل عشان اضمن كيف تطلع واذا ناقصنها شي ..

بس حب مجازفة دايما شغاااال عندي ..

اعرف اني هذربت وااايد ...

وخلوونا نبدأ بالجد ...

وهذي وصفتي لليووووم...

المكونات:-

1- باااستري

2- ستيك دجاج مقطع مربعات ونكون سالقينه ومخلصين منه

3- كريمة

4- جبن كريمي 

5- مشروم

6- بصل مقطع صغير

7- ملح + فلفل

الطريقة:-

^^ نمدد الباستري في صينيه فرن ...ونخط عليها بالسكين على شكل مربع يعني نترك على كل جانب 3 سانتي 

^^ بعد الانتهاء من تحديد قطع الباستري ..نضعها في الفرن لمدة مابين 15 الى 20 د 

^^ بعد الانتهاء من الفرن ..انطلعها..وبالسكين بعد نقص الباستري مكان ما حددناها ..ونشيل القطعه المربعة ..

لعمل الحشوة:-

في مقلاة نضع شوي زبدة ونضع البصل + المشروم  ونخليه شوي 

نضيف الدجاج والجبن وشويه كريمة وعلى الغاز لين ما يتماسك شوي 

نضيف الملح والفلفل 

^^ نضع الحشوة داخل الفراغ الي في وسط الباستري ونغطيها بالمربع الي قصيناه مثل الي في الصورة 

^^ وهكذا لين ما نخلص باقي الباستري 

صدق صدق كانت لذيذة ودسمة 

وعوواافي على قلوبكم ...

مشـــــروم بالفرن

مسااااااااااااء الانواااار ..

اعتبر نفسي من عشااااق المشرووم ..

واي وصفة لازم احط فيها مشرووم ..سواء يناسب او لا ...

هالمرة يبت لكم هالطريقة وتعتبر من المقبلات ..بس صدق رووعة ..

وهالوصفة من عند صديقتي 

المكونات:-

1- علبة الا علبتين من المشروم الفرش ..ونحاول نحصل المشروم الكبار افضل..

2- فصين ثوم مدقوق نااعم 

3- ملعقة مايونيز 

4- ملعقة بقسماط

5- شرائح طماطم

6- ملعقة من أعشاب من ماركة انكور

7- موزيرلا 

8- ملح + فلفل

الطريقة :-

* ناخذ المشروم ونقطع عصى المشروم ...

* ناخذ كل عصى المشروم ونقطعها صغير صغير

* نضيف مع عصي المشروم+ الثوم المدقوق+ ملعقة مايونيز+ ملعقة بقسماط+ ملح + فلفل  .. ونخلطها مع بعض 

* نحشي المشروم بخلطه السابقة من الداخل 

* نصف المشروم  في بايركس رأسها تحت ..يعني تكون الحشوة على فوووق ..ونرصها عدال بعض 

* نضع ملعقة من اعشاب اكنور فوق المشروم

* ثم نضع شرائح الطماطم + موزيرلا 

* نحطه في الفرن ..لمده مابين 25 الى 30 دقيقه 

ملاحظة:-

بنعرف انه المشروم نضى نضغط عليه ويكون لين شوي ..وغير انه صار لونه على بني 

امر ثاااني ...ببتعد  عن غسل المشروووم نهائيا ...فقط نمسحه بالفووطه 


نسيت ما اصورها بعد ما طلعتها من الفرن ..لاني مالحقت اصلا اصورها راحت بسررعة

جربوووها وادعووولي..

(( افخاذ الدجاج الكاذبة ))

هذي الوصفة بصراااحة لذيييذة ..

وياليت كل من يدخل يجربها ...

المكونات :-

1- رقائق باف باستري 

2- لحم مفروم 

3- بطاطا مقلية نص قلى 

4- بصل مقطع صغير 

5- صلصة حمرا + طماطم مقطع صغير

6- ملح + فلفل 

7- جزر مبشوور 

8- بقسماط الي يكون بالفلفل+ بيضة

الطريقة:-

* في مقلى نضع البصل مع قليل من الزبدة + لحم مفروم + الملح + فلفل + صلصة + الطماطم + الجزر المبشور 

* نقلي البطاطس بس نص قليه 

* نفرد الباستري ..لازم تكون شوي لينه .. عشان نقدر نفردها ..ولما نفردها نقطعها لأربع قطع

* نضع قليل من خلطه لحم المفروم 

* ونضع نص قطعه البطاطس بداخل الباستري ونصها باخارج ..عشان تبين مثل الفخذ 


* نغمس الافخاذ بالبيض وبعدين بالبقسماط 

* لما ننتهي من كل القطع الباستري محشوه بالخلطه نقليها لما يصير لونها ذهبي ..

* نضعها في صحن تقديم ..

ممكن نسوي غموووس .. مثلا نخلط شويه من المايونيز مع الكاتشب ... بتطلع رووعه ..

وبالعااافية عليييكم ..

عصير ليمون+ زنجبيل + العسل+ البيريه

امس حبيت اني اجرب عصير ليمون ..

سويت سيرج ..ولقيت هذي الوصفة ..جذبتني لانه فيها مياة غازية ...

فقلت خليني اجربها ...

المكونات :- 

1- 2 كوب ماء 

2- 1 كوب عسل

3- 2 ملعقة صغيرة زنجبيل مبشور 

4- 1 كوب عصير ليمون

5- 2 كوب مياة غازية 

6- اوراق النعناع + شرائح ليمون لزينة

الطريقة:-

* نضع ماء + العسل + زنجبيل على نار متوسطه الحرارة حتى يصبح شراباُ

* نسكر عليه النار ونخليه 10 دقائق والافضل 20 دقيقة 

* نصفى الشرااب 

* نخلط الشراب مع عصير ليمون وبعض الثلج في الخلاط 

* نيب 4 اكواب  و نملأ الاكواب بالشراب  

* ونضع عليه مياة غازية  

* ونزينة بشرائح ليمون و اوراق النعنااااع ...

وبألف عاافية.. :-)